novembre 2015

“Acsè al dis Balanzon” di Claudio

“Dù Scupazòn”
A sàn andè a Turèin con la bòcca da rèder e i slàn scanzlè
con dù scupazòn.
E dir che suquànt dè fa al Mister l’aviva det:
Ragazuu stè in uraccia, parchè sà cardii cà sein beli fora da tòtt i guai, as catèin n’etra volta col cùl par tera, e dìfàti….
Alòura adesa fòra i maron, zughèr nà partida da sant’ufezzi e mandèr a cà sò al “sumarèin” dàla canùtira celesta con du bii chèlz in dal cùl
e bona lè !!!!

“Acsè al dis Balanzon” di Claudio

Moohh soccmel Donadoni…… che allenadour !!!!
Ohh i disen che al mandig an counta brisa ??
Va là cal counta e po’ dimondi !!!!
Fen tant cà iera Delio, ander al stadio at vgneva da zigher, at pareva ed ciaper di stiaff in tlà faza.
Tan dev a vadar ondg mamaloch piantè par tera, cal pareva chi sfessen quatar pugnatt al dè, al balon l’era sampar in stra mez ai pii, incion al saveva qual cla aveva da feer.
Adesa ???
Adesa al balon al viaza clè un spetaquel, i zugadur i corren chi pozzan ed stren par totta la partida, is catan fra d’lour ad ucc asrè,
Te guerda sol Pedretti detto “ Il Martiglio dla Funivi” premma sol cal sintessa dir par l’aradio che forsi nà novla la pseva paser sovra al stadio che al steva a cà.
Ohh l’etra sira con la Romma la vgeva zò un’acqua cla feva pora a Dio, lò al sé cazè a dos na capparela cat pareva ed vadar al film Moby Dick e lè andè al stadio, al sé insupè d’acqua in fein ai maron ma l’era là, al set parchè ??
Parchè quand al Bulogna al zuga acsè tan pù brisa ster a cà !!!